Dizaynın işi bəzəmək deyil — istifadəçinin işini asanlaşdırmaqdır. Eyni məhsul, eyni qiymət və eyni trafiklə iki fərqli interfeys tamamilə fərqli satış rəqəmi verir. Fərq düymənin rəngində deyil, addımların sayında, mətnin aydınlığında və istifadəçinin növbəti hərəkəti tapa bilməsindədir.
Nə daxildir
- İstifadəçi axını (user flow) — insan saytа/tətbiqə girəndən məqsədə çatana qədər keçdiyi yol çəkilir və artıq addımlar kəsilir
- Wireframe — rəngsiz struktur: nə harada olacaq, nə vacibdir
- Vizual dizayn — brend rəngləri, tipoqrafiya, ikonlar, boşluq sistemi
- Komponent kitabxanası — düymə, forma, kart, modal: hamısı bir sistemdə, sonradan genişləndirilə bilən
- İnteraktiv prototip — Figma-da kliklənə bilən nümunə, kod yazılmadan test etmək üçün
- Mobil versiya — ayrıca düşünülür, sadəcə kiçildilmir
- Əlçatanlıq — kontrast, şrift ölçüsü, toxunma sahəsi, klaviatura ilə naviqasiya
- Developer təhvili — ölçülər, rənglər və davranışlar sənədləşdirilir
Necə işləyirik
- Araşdırma. Kim istifadə edəcək, hansı problemi həll edir, hazırda harada ilişir.
- Struktur. Səhifə/ekran xəritəsi və prioritetlər.
- Wireframe. Rəngsiz maketlər — mübahisə burada, ucuz mərhələdə həll olunur.
- Vizual. İki-üç istiqamət təqdim edilir, biri seçilir və genişləndirilir.
- Prototip və test. Real adamlara verilir, harada çətinlik çəkdikləri qeyd olunur.
- Təhvil. Komponentlər, sənədləşmə və developer üçün spesifikasiya.
Redizayn: nə vaxt lazımdır
"Saytımız köhnə görünür" tək başına redizayn üçün əsas deyil. Real siqnallar bunlardır:
- Trafik var, amma müraciət yoxdur
- İstifadəçilər eyni yerdə tərk edir (səbət, forma, qeydiyyat)
- Mobil trafik yüksəkdir, mobil konversiya aşağı
- Dəstək komandası eyni sualı təkrar-təkrar alır — bu, interfeysin izah edə bilmədiyi deməkdir
Fərziyyə yox, ölçü
Dizayn qərarlarını zövqlə yox, məlumatla veririk. Ziyarətçinin harada dayandığını və nəyə kliklədiyini görmək üçün heatmap analitikası qururuq; iki variant arasında seçim lazım olanda A/B test aparırıq. Ümumi yanaşma isə konversiya optimizasiyası (CRO) yazımızda təsvir olunub.
Konkret prinsiplər üçün: konversiyanı artıran 6 UI/UX prinsipi. Tək məhsul və ya kampaniya səhifəsi hazırlayırsınızsa, landing page bələdçisi də faydalıdır.
Yalnız dizayn, yoxsa kodla birlikdə
Hər iki formatda işləyirik. Öz developer komandanız varsa, Figma faylını tam sənədləşmə ilə təhvil veririk. Yoxdursa, dizaynı özümüz kodlaşdırırıq — veb sayt və ya mobil tətbiq olaraq.
Tez-tez verilən suallar
UI və UX arasında fərq nədir?
UX istifadəçinin keçdiyi yoldur — hansı addımlar var, nə qədər asandır. UI həmin yolun görünüşüdür — rəng, şrift, düymə. Yaxşı UI pis UX-i xilas etmir: gözəl görünən, amma qarışıq olan interfeys satmır.
Dizayn neçə gün çəkir?
Landing page 5–10 gün, korporativ sayt 2–3 həftə, mobil tətbiq və ya panel 3–6 həftə. Müddəti ən çox uzadan amil geri dönüşün gecikməsidir — hər mərhələdə təsdiq lazımdır.
Neçə variant təqdim edirsiniz?
Vizual mərhələdə adətən iki-üç fərqli istiqamət. Biri seçildikdən sonra qalan səhifələr həmin istiqamətdə genişləndirilir. Sonsuz variant çıxarmaq praktikası yoxdur — bu, prosesi uzadır və nəticəni zəiflədir.
Hazır dizaynımı kodlaşdıra bilərsinizmi?
Bəli. Figma, Adobe XD və ya Sketch faylınızı verirsiniz, biz kodlaşdırırıq. Faylı əvvəlcə yoxlayırıq — komponent strukturu yoxdursa, bunu əvvəlcədən bildiririk.
Dizayndan sonra dəyişiklik mümkündürmü?
Bəli, hər mərhələdə iki dövrə düzəliş daxildir. Təsdiqdən sonra istiqamətin tam dəyişməsi ayrıca qiymətləndirilir — buna görə wireframe mərhələsində razılaşmaq vacibdir.
Dizayn konversiyanı nə qədər artırır?
Konkret rəqəm vəd etmirik, çünki nəticə məhsul, qiymət və trafikin keyfiyyətindən də asılıdır. Bunun əvəzinə ölçmə qururuq: dəyişiklikdən əvvəl və sonra rəqəmləri müqayisə edirik və A/B testlə yoxlayırıq.