Hər zavodda əmək təhlükəsizliyi təlimatı var, hər işçi onu imzalayıb. Amma növbənin altıncı saatında kaska tərləyir, əlcək işə mane olur, jilet isti gəlir. Pozuntu hadisə baş verənə qədər heç bir sənəddə görünmür.
Problem nəzarətdə deyil, ölçüdə
Təhlükəsizlik mühəndisi sexi gündə bir-iki dəfə gəzir. Bu, pozuntunun 5%-ini görməkdir. Qalan 95% haqqında məlumat yoxdur — nə hansı zonada, nə hansı saatda, nə hansı növbədə daha çox baş verdiyi bilinir.
Kamera analitikası bu statistikanı toplayır. Nəticə fərd üzrə deyil, zona və saat üzrə gəlir: "üçüncü sexdə gecə növbəsində pozuntu sayı artıb".
Niyə fərd üzrə deyil
Sistem şəxs tanımır və üz məlumatı saxlamır. Bu, texniki məhdudiyyət deyil — qəsdən belədir. Konkret işçini göstərən sistem komandada müqavimət yaradır və nəticədə işlədilmir. Zona statistikası isə real problemi göstərir: bəlkə həmin sexdə kaska saxlanılan yer uzaqdır, ya da işıqlandırma pisdir.
Pozuntu statistikasının sənədləşmiş şəkildə mövcud olması əmək təhlükəsizliyi auditində ciddi üstünlükdür. Siz yalnız "qayda var" demirsiniz — qaydaya riayətin necə dəyişdiyini rəqəmlə göstərirsiniz.
Təhlükəli zonaya giriş
İşləyən dəzgahın və ya kranın zonasına adam girəndə siqnal. Bu, kaska nəzarətindən daha kritikdir — çünki nəticəsi ağır olur.
Təcili çıxışın bağlanması
Çıxış yolu palet və ya texnika ilə bağlanarsa xəbərdarlıq. Yoxlama günü deyil, hər gün.
İstehsal göstəriciləri də eyni kameradan
Eyni kameralar konveyerdən keçən məhsulu sayır və xəttin dayanma vaxtını qeyd edir. Beləcə təhlükəsizlik sisteminin özü də istehsal dəyəri verir — investisiya yalnız risk azaltmaqla məhdudlaşmır.
Bir sex, bir kamera, bir həftə — pozuntu statistikasını görün.
İstehsalat həllinə baxınBütün sektorlar: kamera analitikası kataloqu.
