Mağazada ən çox verilən sual budur: bu gün satış niyə aşağı oldu? Kassa proqramı yalnız alanları göstərir — girib heç nə almadan çıxanları görmür. Kamera analitikası məhz o boşluğu doldurur: neçə nəfər girdi, harada dayandı, nə vaxt növbəyə düşdü və niyə çıxıb getdi.
Sistem mövcud IP kameralarınızın üzərində qurulur. Yeni avadanlıq çox vaxt lazım olmur, görüntü isə obyektdən kənara çıxmır.
Mağaza zalında nə ölçülür
Müştəri sayımı
Girişdən neçə nəfər keçdi, hansı saat ən yüklüdür, həftənin hansı günü zəifdir — hamısı gün-gün toplanır.
reklamın nəticəsi rəqəmlə görünürÇevirmə faizi
Girən adam sayı ilə çek sayı tutuşdurulur: 100 nəfər girdi, 23 nəfər aldı. Qalan 77 nəfər niyə almadı?
satışın real problemi üzə çıxırİstilik xəritəsi
Mağazanın hansı rəfində müştəri dayanır, hansı küncə heç kim getmir — hərəkət xəritə kimi görünür.
rəf düzülüşü təxminlə yox, data iləBoş rəf xəbərdarlığı
Rəf boşalanda işçiyə bildiriş gedir — müştəri boş rəfi görməmiş doldurulur.
itirilmiş satışın qarşısı alınırVitrin nəzarəti
Vitrindəki məhsul sayı izlənir; məhsul götürüləndə dərhal xəbər verilir.
bahalı mal gözdən qaçmırGecə mühafizəsi
Mağaza bağlı olduğu saatlarda hər hansı hərəkət aşkarlananda ani siqnal göndərilir.
mühafizəçi hər ekrana baxmırKassa zonası ayrıca
Kassa mağazanın ən bahalı nöqtəsidir — satış məhz orada itir. Uzun növbə müştərini səbəti qoyub getməyə məcbur edir, skan edilməyən mal isə birbaşa kassa itkisidir.
Növbə xəbərdarlığı
Növbə beş nəfəri keçəndə növbətçiyə bildiriş gedir: "ikinci kassanı açın".
müştəri növbədən çıxıb getmirGözləmə vaxtının ölçülməsi
Orta gözləmə neçə dəqiqədir, hansı saatda pik yaranır — kassa cədvəli buna görə qurulur.
növbə cədvəli dataya görə qurulurSkan edilməyən mal
Malın kassadan skan olunmadan keçirilməsi aşkarlanır və çeklə tutuşdurulur.
kassa itkisinin qarşısı alınırKassirsiz kassa
Növbə varkən kassa arxasında işçi yoxdursa xəbərdarlıq edilir.
müştəri boş kassa qarşısında qalmırReklama pul xərcləyirsiniz, mağazaya adam gəlir — amma satış artmır. Çevirmə faizi problemin harada olduğunu göstərir: adam gəlmirsə reklam problemi, gəlir amma almırsa qiymət, çeşid, növbə və ya xidmət problemi. Bu fərqi bilmədən büdcəni doğru yerə xərcləmək mümkün deyil.
Kimin üçün
Supermarketlər, geyim və elektronika mağazaları, aptek şəbəkələri və çoxfilialı pərakəndə şirkətlər. Filial sayı artdıqca dəyər də artır — çünki hansı filialın niyə zəif işlədiyi rəqəmlə müqayisə oluna bilir.
Barkod və kassa tərəfini də rəqəmsallaşdırmaq istəyirsinizsə, Barkod Satış Sistemi və Anbar və Satış İdarəetmə həllərimiz kamera analitikası ilə birlikdə işləyir.
Necə qurulur
Mövcud IP kameralarınız yoxlanılır, obyektə bir cihaz qoyulur, bir həftə sınaq işləyir, sonra gündəlik hesabat və ani bildiriş başlayır. Emal elə obyektdə gedir — görüntü binadan çıxmır, internet kəsilsə sistem dayanmır. Quraşdırma və tələblər haqqında ətraflı →
Tez-tez verilən suallar
Müştəri sayımı nə qədər dəqiqdir?
Giriş kamerası düzgün bucaqda olanda dəqiqlik yüksəkdir. İlk həftə sistem sizin girişə köklənir — qapının eni, işıq, iki nəfərin yanaşı keçməsi kimi hallar nəzərə alınır.
İşçilər də sayılırmı?
İşçi giriş-çıxışını ayırmaq üçün zona və saat qaydaları qurulur, beləcə statistika təhrif olunmur.
Müştərilərin şəkli saxlanılırmı?
Xeyr. Sistem şəxs tanımır və üz məlumatı saxlamır — insanı obyekt kimi görür, yalnız hərəkəti və sayı ölçür.
Kassa proqramımızla birləşirmi?
Çevirmə faizi üçün çek sayı lazımdır. Bu, kassa proqramından fayl və ya API ilə alınır; bizim satış sistemlərimizdən biri işlədilirsə inteqrasiya hazır gəlir.
Neçə kamera lazımdır?
Başlamaq üçün bir giriş kamerası kifayətdir. Sınaq həftəsində adətən yalnız müştəri sayımı işə salınır, nəticə göründükdən sonra digər tapşırıqlar əlavə edilir.
Bir həftəlik sınaqdan başlayaq
Bir kamera, bir tapşırıq, bir həftə. Nəticəni görürsünüz, sonra qərar verirsiniz. Sınaq üçün öhdəlik və ödəniş yoxdur.
Sınaq üçün müraciət edinvə ya birbaşa zəng edin — +994 55 710 58 37
