Bir çox şirkət süni intellektdən istifadə etmək istəyir, amma edə bilmir — çünki məlumatı xarici xidmətə göndərmək qadağandır. Bank, sığorta, klinika, hüquq şirkəti və dövlət qurumları ilə işləyən təşkilatlar üçün bu, texniki deyil, prinsipial maneədir.
Şirkətdaxili süni intellekt həmin maneəni aradan qaldırır: model sizin serverinizdə və ya bizim idarə etdiyimiz ayrıca, sizə məxsus serverdə işləyir. Sənədlər, yazışmalar və müştəri məlumatı şəbəkənizdən kənara çıxmır.
Nə edə bilir
Daxili bilik bazası
İşçi sual verir — cavab şirkətin öz sənədlərindən, qaydalarından və təlimatlarından gəlir.
Sənəd təhlili
Müqavilə, akt və hesabatların qısa xülasəsi, müddət və öhdəliklərin çıxarılması.
Daxili yazışma
Məktub, cavab və protokol qaralamalarının hazırlanması.
Arxivdə axtarış
Köhnə sənədlər arasında məna üzrə axtarış — açar söz bilmək lazım deyil.
Niyə biz
Bu xidmətdə əsas iş modelin özü deyil — infrastrukturdur. Server seçimi, təhlükəsizlik, ehtiyat nüsxə, yeniləmə, çıxış nəzarəti və monitorinq. Biz illərdir öz serverlərimizi və müştəri sistemlərini idarə edirik: hostinq, poçt serveri, ATS, monitorinq və ehtiyat nüsxə sistemləri bizim gündəlik işimizdir.
Nəyi nəzərə almaq lazımdır
- Avadanlıq tələbi var. Lokal model üçün uyğun server lazımdır — bunu ilk görüşdə hesablayırıq.
- Nəticə buludla eyni olmaya bilər. Lokal modellər bəzi vəzifələrdə bir qədər zəifdir; hansı işlərin buna uyğun olduğunu açıq deyirik.
- Qarışıq model mümkündür. Həssas məlumat lokal, adi işlər bulud — sərhəddi birlikdə çəkirik.
Açıq deyirik: hər şirkətə lokal süni intellekt lazım deyil. Məlumatınızda həssas heç nə yoxdursa, bulud həlli daha ucuz və daha güclüdür. Auditdən sonra sizə lokal qurulum lazım olmadığını desək, bu da normal nəticədir.
Necə işləyirik
Bütün süni intellekt həllərimiz eyni prinsipə tabedir: süni intellekt qərar vermir — işçinizin işini sürətləndirir. Sistem qaralama hazırlayır, nəticəni insan yoxlayır və təsdiqləyir. Bu, həm səhv riskini aşağı salır, həm də komandanızın prosesə nəzarətini saxlayır.
- Tanışlıq və auditi — hansı prosesin nə qədər vaxt apardığını birlikdə ölçürük.
- Pilot — bir bölmədə, real məlumatınızla, məhdud həcmdə sınaq.
- Nəticənin ölçülməsi — pilotdan əvvəl və sonra rəqəmləri müqayisə edirik.
- Tam tətbiq — nəticə göründükdən sonra bütün şirkətə yayılır.
- Müşayiət — model və qaydalar iş prosesiniz dəyişdikcə yenilənir.
Bu həll sizin işinizə uyğundurmu?
Prosesinizi qısa söhbətdə nəzərdən keçirək — uyğun deyilsə, açıq deyəcəyik.
Əlaqə saxlayınTez-tez verilən suallar
Şirkətdaxili süni intellekt məlumatımızı kənara göndərirmi?
Xeyr. Model sizin serverinizdə və ya Creative Group-un idarə etdiyi, sizə məxsus ayrıca serverdə işləyir. Sənədlər, yazışmalar və müştəri məlumatı şəbəkənizdən kənara çıxmır, bu da bank, klinika və hüquq şirkətləri üçün vacibdir.
Lokal süni intellekt nə işlər görə bilir?
Şirkətin öz sənədlərindən cavab verən daxili bilik bazası, müqavilə və aktların xülasəsi, müddət və öhdəliklərin çıxarılması, məktub və protokol qaralamaları, arxivdə məna üzrə axtarış. Süni intellekt qərar vermir, nəticəni insan yoxlayıb təsdiqləyir.
Hər şirkətə lokal süni intellekt qurulumu lazımdırmı?
Xeyr. Məlumatınızda həssas heç nə yoxdursa, bulud həlli daha ucuz və güclüdür. Lokal model üçün uyğun server lazımdır və bəzi işlərdə nəticə buluddan zəif ola bilər. Həssas məlumat lokal, adi işlər bulud olan qarışıq variant da mümkündür.
Şirkətdaxili süni intellekt layihəsinə necə başlayırıq?
Əvvəlcə tanışlıq və audit aparılır, server tələbi ilk görüşdə hesablanır. Sonra bir bölmədə real məlumatla, məhdud həcmdə pilot keçirilir, nəticə əvvəl və sonra müqayisə olunur. Nəticə göründükdən sonra tam tətbiq və müşayiət gəlir.
